«Neftçi»nin sabiq müdafiəçisi Mert Çelik yenidən Azərbaycana dönüb.
Vaxtilə gənclər və əsas millimizin də şərəfini qorumuş cinah oyunçusu karyerasını Premyer Liqada davam etdirəcək.
24 yaşlı sabiq «Başakşehir»li «Səbail»lə müqavilə bağlayıb. Kontraktın müddəti 1 ildir.
Razılaşmaya əsasən, 2025-ci ilin yayında anlaşma daha 1 il uzadıla bilər.
Çelik 2020-ci ildə «Başakşehir»dən «Neftçi»yə gəlib. Üç il icarə əsasında ağ-qara formanı geyinib.
Ötən ilin yayında Türkiyəyə dönən müdafiəçi TFF I Liqada «Banformaspor»un şərəfini qoruyub.
SPORTİNFO.AZ
