Həftəsonu maraqlı oyunlardan biri “ASCO Arena”da gerçəkləşəcək.
Premyer Liqada qalmaq uğrunda mübarizə aparan və eyni sayda – 7 xala sahib olan “Səbail”lə “Sumqayıt” üz-üzə gələcək.
Komandalardan hansısa biri matçı qalibiyyətlə başa vuracağı təqdirdə irəliyə doğru addım atacaq. Məğlub tərəf isə başını tutub xoş gələcəyə ümid edəcək.
Çətin və prinsipial oyundan əvvəl “dənizçilər”in kapitanı Yusif Nəbiyev Sportinfo.az-a verdiyi açıqlamada komandasına güvəndiyini gizlətməyib:
“Neftçi”ylə oyundan sonra bütün diqqətimizi “Sumqayıt”la matça ayırmışıq. Hamı bir nəfər kimi istəklə məşq edir, tapşırıqları yerinə yetiririk.
Bilirəm, hər iki komanda üçün çətin olacaq. Çünki belə oyunlar gərgin alınır.
Ümid edirəm ki, bu çətinliyin öhdəsindən gəlib azarkeşlərimizi sevindirəcəyik”.
Oktyabrın 26-da “ASCO Arena”da baş tutacaq görüş saat 18:30-da start götürəcək.
HƏBİB
