Sportinfo.az xəbər verir ki, "Səbail"in baş məşqçisi Elvin Məmmədov Premyer Liqanın 29-cu turunun "Turan Tovuz"la oyunundan (0:0) sonra keçirilmiş mətbuat konfransında sualları cavablandırıb.
- Çempionatın ən təcrübəli məşqçisinə və ən ağır komandasına qarşı oynayırdıq. Durumun fərrqindəydik. Uşaqlar maksimumu etdilər. Onları təbrik edirəm.
- Bu nəticəni qələbəyə bərabər sayırsız?
- Bu gün hər qazanılan bizim üçün nəticədir. Komandanı bu durumdan çıxarmaq üçün öz yolumuzdan əl çəkməyəcəyik.
- Süleyman Alluşla bağlı son qərarı nə dərəcədə doğru qəbul edirsiz?
- İstəyərdik ki, bağışlanılsın. O, bizim futbolçumuzdur. Səhvinin fərqindədir.
- Komandaya yeni oyunçuların qoşulması gözlənilmir?
- Zədəlilərimiz var. Əlimizdə olan futbolçuların hər birinə güvənirik.
- İlk dəqiqədən görünürdü ki, meydana bir xal üçün çıxmısız. Bəs qalibiyyəti hansı komanda ilə görüşdə istəyəcəksiz?
- Sizin düşüncənizdir. Bu da normaldır. Matça üç xal üçün çıxmışdıq. "Turan Tovuz"a qarşı oynamaq asan deyil. Onlar çox möhkəm komandadır. Standart vəziyyətlərdə ideal şeylər edirlər. Üç xal istəyirdik. Uduzmadıqsa, gözəldir.
.jpg)
.jpg)
.jpg)
