"Səbail"in yarımmüdafiəçi Fərid Nəbiyev Premyer Liqanın 28-ci turunda "Kəpəz"in qonağı olduqları (1:1) matçdan sonra Sportinfo.az-a müsahibə verib.
- Qələbə qazanmağa nə çatmadı?
- Çox gərgin oyun oldu. Bilirdik ki, "Kəpəz" son turlar yaxşı çıxış edir. Məqsədimiz qələbə qazanmaq idi, amma 1 xalla qayıdırıq. Yararlana bilmədiyimiz imkanlar çox oldu. Qarşımızdakı oyunlara baxacağıq.
- Qələbə vacib olduğu halda son dəqiqələrdə sanki heç tələsmirdiniz. Məğlubiyyət təhlükəsi ilə bağlıydı?
- Təzyiq etmək üçün gücümüz vardı. Sadəcə yeni oyun sistemində topa daha çox nəzərət etmək lazım idi. Hara gəldi vuraraq yox, topu özümüzdə saxlamaqla imkanlar yaxalamaq mümkündür.
- Sona cəmi 8 tur qaldı. Bu məqam psixoloji gərginlik yaradır?
- "Yox" desəm, yalan olar. O qədər də sıxılmırıq. Biz bunu bacara bilərik. Yaxşı komandamız var. Növbəti turlar qələbə qazana biləcəyik, inşallah.
- Azarkeş təzyiqini hiss edirsiniz?
- Hər oyun bizə dəstək olurlar. Bu gün də uzaq yol qət edib Tovuz gəliblər. Biz də onları sevindirməyə çalışırıq. İstəmərik ki, Səbail futbolsuz qalsın. Bu gün alınmadı. Növbəti oyunlarda onları sevindircəyik.
XANOĞLAN İMANOV
.jpg)
.jpg)
