«Səbail» Cavid Hüseynovun istefaya göndərilməsindən sonra ilk oyununa Tovuzda çıxdı.
Onlarla birgə turnir cədvəlinin son sıralarını bölüşdürən «Kəpəz»ə məğlubiyyətdən qaça bildilər.
Beləcə, axır səkkiz tur öncəsi xal nisbəti dəyişmədi, yenə 5-dir. Əlbəttə, hər şey yenə «Səbail»in öz əlindədir, vəziyyətdən çıxa, sonuncu pillədən qurtula bilərlər.
Tovuz səfərində bunu edə biləcəklərini göstərdilər. Burada təəccüblü nəsə yoxdur - komanda 2025-ci il gələndən bəri pis oynamır.
Cavid Hüseynov bir sistem yarada bilmişdi, istəkli və məzmunlu futbolları ilə diqqətləri özlərinə çəkmişdilər.
«Kəpəz»lə 1:1-ə Elvin Məmmədovun sevinməsi qəribə gəldi mənə. Qalib də gəlmək olardı rəqibə.
Hər halda «Kəpəz» ən yaxşı oyunlarından birini sərgiləmədi, sanki meydana 1 xal üçün çıxmışdılar.
«Səbail» sürəti azacıq artırıb, ilk 15-20 dəqiqədən sonra daha böyük qüvvə ilə hücumlar qursaydı, qalib gələn tərəf olacaqdılar.
Yeni baş məşqçi bu riskə getmədi, çəkindi.
Həm də mən hiss elədim, qoy, deyim. Bəzi futbolçularda Cavid Hüseynovun gedişindən məmnunluq var idi, elə bil.
İddia etmirəm ki, onları kimsə öyrədirdi deyə, axır zamanlar meydanda ayaqlarını sürüyürdülər, lakin işin içində bir şeylərin olmasından şübhələndiyimi söyləməliyəm.
Hər xətt üzrə 1-2 nəfər gözümə nəsə bir az fərqli dəydi. Öncəki həftələrə nəzərən.
ELNUR
.jpg)
.jpg)
