«Səbail» yeni baş məşqçisinin adını bugünlərdə açıqlayacaq.
Təyinat bu gün də ictimaiyyətə duyurula bilər, qarşıdıakı günlərdə də.
Şahin Diniyevi Cavid Hüseynovun əvəzləyəcəyi böyük ölçüdə dəqiqləşib. Onunla prinsipial razılıq əldə olunub.
«Turan Tovuz»da Kurban Berdiyevin köməkçisi işləyən mütəxəssis «dənizçilər»lə 2 illik müqavilə imzalayacaq.
Onun kimləri məşqçi korpusunda görmək istəməsi də məlumdur. Hüseynov Diniyevlə çiyin-çiyinə işləyənlərdən iki nəfəri burada saxlamaq niyyətindədir.
Onlardan biri qapıçılar üzrə köməkçi Fuad Əsədovdursa, digəri analitik Ceyhun Məmmədovdur.
Həmçinin Elvin Məmmədovu burada görəcəyik. «Turan Tovuz»la görüşdə (1:1) komandanın başına keçən U-19-un çalışdırıcısı Cavid Hüseynovla çox yaxın dostdur.
SPORTİNFO.AZ
