![I Liqada oynayırdı, Premyer Liqa klubu ilə müqavilə bağladı](https://www.sportinfo.az/media/2024/06/05/52920356644ddd137c3f.jpg)
Yeni mövsüm üçün heyətini “Turan Tovuz“dan Fərid Nəbiyevlə gücləndirən “Səbail” daha bir futbolçunun keçidini həll edib.
Əlirza Müştəbəzadə növbəti 1 ildə “dənizçilər”in şərəfini qoruyacaq.
Ötən mövsüm I Liqa təmsilçisi “Difai”nin sıralarında olan 22 yaşlı qolkiper “Səbail”lə razılığa gəlib. Transferin yaxın günlərdə açıqlanacağı bildirilir.
Əlirza “Neftçi”nin yetirməsidir və “ağ-qaralar”ın heyətində Premyer Liqanın 1 matçına çıxıb. Lənkəranlı gənc ötən mövsümə “İrəvan”da başlayıb, yeni ildə isə “Difai”yə keçib.
O, qısa müddətdə “fədailər”in aparıcı sımalarından birinə çevrilib, bir çox oyunlarda qurtarışları ilə komandasına xallar qazandırıb.
Müştəbəzadəni I Liqanın ən güclü qapıçısı da saymaq olar.
HƏBİB / SPORTİNFO.AZ