Azərbaycanlı samboçu Vilayət Bayramov Kiprin Limasol şəhərində yeniyetmə və gənclər arasında keçirilən Avropa çempionatında bürünc medal qazanıb.
Sportinfo.az xəbər verir ki, 62 kq çəki dərəcəsində mübarizə aparan idmançı ilk görüşdə Fransa təmsilçisini məğlub edib.
Növbəti mərhələdə ukraynalı rəqibinə uduzan Bayramov bürünc medal uğrunda təsəlliverici görüşdə qüvvəsini sınayıb.
Gənc samboçu ilk olaraq bolqarıstanlı idmançıya tam üstünlüklə qalib gəlib və üçüncü yer uğrunda həlledici görüşdə belaruslu rəqibinə şans verməyib.
Azərbaycanı Avropa çempionatında 12 idmançı təmsil edir. Yarışa aprelin 16-da yekun vurulacaq.
.jpg)
