.jpg)
Sloveniyada təlim-məşq toplanışını davam etdirən "Sabah" növbəti yoxlama görüşünü keçirib.
"Bayquşlar" bu dəfə Ukraynadan “Rux” ilə qarşılaşıb.
Matç Azərbaycan təmsilçisinin 2:1 hesablı qələbəsi ilə başa çatıb. Masazır komandasının heyətində Kahim Parris və Neqoş Kupusoviç fərqlənib.
Yamaykalı hücumçunun ukraynalılara vurduğu qol daha çox marağa səbəb olub.
"Sabah"ın ötən mövsüm icarə əsasında sıralarına qatdığı, bu yay isə Kiyev "Dinamo"sundan transfer hüququnu aldığı legioner fərdi ustalığı hesabına rəqib torunu silkələyib. Topla reyd edən Paris hətta yolüstü komanda yoldaşını da "aldadıb".
Krunoslav Renduliçin rəhbərlik etdiyi "Sabah" daha əvvəl keçirdiyi yoxlama görüşlərində "Koper"i (Sloveniya) 1:0 hesabı ilə məğlub edib,
Serbiya təmsilçisi "Çukariçki" (0:0) və Ukraynanın "Krivbas" (2:2) klublarına qarşı matçlar isə heç-heçə nəticələnib.
SPORTİNFO.AZ
VİDEONU BU LINKƏ DAXİL OLARAQ İZLƏYİN:
