Mətbuatda Vasili Berezutskinin payızda “Sabah”ın baş məşqçi postunu tərk edə biləcəyi ilə bağlı məlumatlar yayılıb.
Sportinfo.az xəbər verir ki, məsələ ilə bağlı Azərbaycan klubunun mətbuat xidməti açıqlama verib.
Rusiyanın “Sport-Express” nəşri məsələ ilə bağlı klubun mövqeyini öyrənib. “Sabah”dan rusiyalı mütəxəssislə müqavilənin davam etdiyi bildirilib:
“Vasili Berezutskinin “Sabah” futbol klubu ilə müqaviləsi var. Hazırda həm baş məşqçimiz, həm də klub bütün diqqətini qarşıdakı vacib oyunlara cəmləyib”.
“Sabah” Azərbaycan çempionatında keçirdiyi son 7 matçda qalib gəlmir. Bu müddətdə Vasili Berezutskinin komandası 5 dəfə heç-heçə edib, 2 dəfə də məğlubiyyətlə üzləşib.
“Sabah” hazırda Premyer Liqanın turnir cədvəlinin 5-ci pilləsində qərarlaşıb.
