“Sabah”ın Vasili Berezutskinin rəhbərliyi altında çıxışı Rusiya mətbuatının diqqətindən yayınmır.
Sportinfo.az xəbər verir ki, yerli KİV 42 yaşlı mütəxəssisin baş məşqçi karyerasına uğursuz başlanğıc etdiyini düşünür.
Paytaxt təmsilçisinin son 6 görüşdə qələbə üzünə həsrət qaldığını qeyd edən həmkarlarımız Beretutskinin də komandanı çətin durumdan çıxara bilmədiyini vurğulayıb:
“Berezutskinin baş məşqçi kimi ilk macərası bu gedişlə erkən bitəcək. Çünki komanda onun rəhbərliyi altında çempionatda 14 oyunun cəmi 3-də qələbə qazana bilib
. Bakılılar son 6 turda isə qalibiyyət görməyiblər. Həlledici mərhələdə bu nəticələr mövsümün fiasko ilə nəticələnməsinə və Berezutskinin yola salınmasına səbəb ola bilər”.
Fevraldan bəri Premyer Liqada qələbə qazana bilməyən “Sabah” son 6 matçın 5-də heç-heçə edib. Vasili Berezutski 15-ci turdan bakılıları çalışdırır.
Komanda onun rəhbərliyi altında 3 qələbə, 8 heç-heçə, 3 məğlubiyyətlə yadda qalıb.
