"Sabah"ın qapıçısı Stas Pokatilov Qazaxıstan millisinin düşərgəsini tərk edib.
Sportinfo.az xəbər verir ki, bu barədə İdman.biz-ə 33 yaşlı kiperin özü məlumat verib.
O bildirib ki, komandasından ayrılmasına səbəb viza məsələləri ilə bağlı problem olub:
“Səhhətimdə hər şey qaydasındadır. Özümü yaxşı hiss edirəm.
Sadəcə, Şengen vizamla bağlı kiçik problemlər yaşadım. Sağlamam və "Sabah"la növbəti oyuna hazırlaşıram”.
Pokatilovun formasını geyindiyi Qazaxıstan millisi DÇ-2026-nın seçmə mərhələsi çərçivəsində Lixtenşteynlə oynayıb.
