«Sabah» Premyer Liqanın 26-cı turunda «Şamaxı»nın qonağı olub.
«Bayquşlar» səfərdən 0:1 hesablı məğlubiyyətlə dönüb və liderlər qrupuna yaxınlaşmaq fürsətini əldən verib.
İddialı komandanın məqsədi çempionatda qalmaq olan rəqibə uduzması birmənalı qarşılanmayıb.
ATV kanalında yayımlanan «Futbolumuz» verlişində bu haqda tənqidi fikirlər səsləndirilib.
Aparıcı Ceyhun Rzayev Vasili Beruztskinin Masazır təmsilçisi üçün uğursuz seçim olduğunu bildirib.
Qeyd edib ki, rusiyalı baş məşqçi ona yüksək səviyyədə şərait yaradılmasına, geniş heyətlə çalışmasına baxmayaraq, ümidləri doğrultmur.
Rzayev Berezutskinin hər dəfə ilk «11-lik»də ciddi dəyişiklik etdiyini, komandaya köhnə sovet futbolu oynatdığını, bu səbəbdən də nəticələrin pisləşdiyini söyləyib.
SPORTİNFO.AZ
VİDEONU BU LINKƏ DAXİL OLARAQ İZLƏYİN
