"Sabah" Azərbaycan Kuboku 1/4 final mərhələsinin cavab oyununda "Sumqayıt"ı 4:0 hesabı ilə məğlub edərək yarımfinala yüksəlib.
Sportinfo.az xəbər verir ki, Masazır təmsilçisinin baş məşqçisi Vasili Berezutski matçdan sonra keçirilən mətbuat konfransında jsualları cavablandırıb:
- Kubok oyunları heç vaxt asan keçmir. Bu gün demək olar ki, əvvəlki iki oyunda "Sumqayıt"ın qapısına vurmadığımız bütün qolları vurduq. Futbolçularımın hər birinə təşəkkür edirəm.
- Yarımfinalda böyük ehtimalla rəqibiniz "Neftçi" olacaq. Şanslarınızı necə dəyərləndirirsiz?
- Kubokda hamının şansları bərabərdir. Əvvəldən nəsə deməyək. "Neftçi" sabah cavab görüşünə çıxacaq. Bütün oyunlara eyni cür hazırlaşırıq.
- Bu gün 4 qol vurdunuz. Qısa müddətdə komandada nəyi dəyişdiz?
- Hava şəraitinə görə qapıya zərbələri çox məşq etməmişdik. Həmişə demişəm ki, kəmiyyət mütləq keyfiyyətə çevriləcək.
