İki aya yaxındır Vasili Berezutskini izləyirəm.
Krunoslav Rendjuliçdən daha faydalı ola biləcəyini düşünürəmmi «Sabah»a?
Düzü, bu suala hələ özüm də dəqiq cavab tapa bilməmişəm, fikrimi qətiləşdirməmişəm. Bunun üçün mənə nə qədər zaman gərəkdiyini də deyəmmərəm.
Qoy, rus balası öz yolunu müəyyənləşdirsin hələ...
Baş məşqçisini dəyişmiş «Sabah»da ciddi dəyişiklik görmürəm. Varsa da, bu, bəzi futbolçuların əsas heyətdə yerini itirməsi, ehtiyat skamyanın daimi sakininə çevrilməsidir.
Elvin Camalovla Kahim Parrisin kənarda qalmasından, Namiq Ələsgərovu yalnız son dəqiqələrdə oynatmasından Berezutski nə qazanır, müəmmadır, nə müəmma!
O gələndən «Sabah» baxımlılığını itirib. Yen Renduliçin vaxtında gözəl futbol nümayiş etdirirdilər, ara-sıra olsa da.
«Qarabağ»la Masazırdakı qarşılaşmanın bir hissəsini nəzərə almasaq, Berezutskinin «Sabah»ı tamaşıçların zövqünü oxşamayıb.
Premyer Liqanın bombardirlərinin siyahısını gözdən keçirək, «Sabah»dan birdən-birə 3 nəfərin orada görərik.
Coy-Lens Mikels 8, Cesse Sekidika 6, Pavol Safranko 5 qol vurub.
Bu cür hücum üçlüyü olan komanda «Neftçi» önündə gərək par-parıldayardı. İki-üç yarımçıq epizod yaratdılar, meydanı 1 xalla tərk etdilər.
Heyətinin sanbalı ilə fərq yaratmalı, fərqə getməli olan «Sabah» rəqibindən yaxşı heç nəylə fərqlənmədi.
ELXAN
.jpg)
.jpg)
