.jpg)
Premyer Liqada qış fasiləsi 19-cu turun start götürməsi ilə başa çatıb.
Tur çərçivəsində keçiriləcək maraqlı görüşlərdən biri "Neftçi Arena"da baş tutacaq.
Burada "Neftçi" "Sabah"ı qonaq edəcək.
"Tələblər" yeni yaranan kollektiv olsa da, bu iki klub arasında son dönəmlər baş tutan qarşılaşmalar çox gərgin keçir.
Elə ötən mövsümün son turunda yaşananlar hələ də unudulmayıb. "Sabah" son dəqiqədə vurduğu qolla avrokuboklara yollanmışdısa, "ağ qaralar" Avropa səhnəsindən kənarda qalmalı olmuşdu.
Bəs bu dəfəki mübarizə bizə nə vəd edir? Şanslar necədir?
Masazır təmsilçisinin müdafiəçisi İqor Noqeyra Sportinfo.az-a açıqlamasında çox iddialı danışıb.
Braziliyalı legioner şansları bərabər görsə də, ümumilikdə "Sabah"ın gücünə inamını ifadə edib:
"Belə oyunlarda şansları həmişə 50-50-yə görürəm. Məncə, bu çempionatda ən böyük rəqibimiz özümüzük.
Üzərimizdə daha yaxşı çalışsaq, tapşırıqları düzgün yerinə yetirsək qarşımıza qoyulan məqsədlərə nail olacağıq".
XANOĞLAN
.jpg)
