Murad Musayevin başçılıq etdiyi "Krasnodar" Rusiya Premyer Liqasında 2024/25 mövsümünün ilk dövrəsinin qalibi olub.
Sportinfo.az xəbər verir ki, komanda 37 xalla turnir cədvəlində 1-ci yerdə qərarlaşıb.
Bu, təkcə qazanılan xallar baxımından deyil, həm də vurulan (32) və buraxılan qolların (7), eləcə də top fərqinə (+25) görə də klub tarixinin ən yaxşı dövrəsidir.
2021-ci ilin payızında Azərbaycana gələn M.Musayev bu il fevralın 1-də "Sabah"dan ayrılıb. Mart ayında isə o, əvvəllər də çalışdırdığı "Krasnodar"ın baş məşqçisi təyin edilib.
