Premyer Liqanın 10-cu turunun mərkəzi qarşılaşması Zirədə baş tutacaq.
Qəsəbənin eyniadlı komandası turnir cədvəlindəki qonşusu “Sabah”ı qəbul edəcək.
Qonaqlar meydana ciddi itkilərlə çıxacaq.
“Araz-Naxçıvan”la oyunda zədələnən Elvin Camalovun bazar günü meydana çıxa bilməyəcəyi dəqiqdir. Sofian Çaklanın durumu da qənaətbəxş deyil. Oynayıb-oynamayacağına matç günü qərar veriləcək.
Uzun müddətdir yaşıl meydanlardan kənarda qalan Ayaz Quliyevlə Vinsent Tillin də bu görüşün iştirakçısı olmayacağı məlumdur.
Oktyabrın 20-də Zirə İdman Kompleksində baş tutacaq duel saat 17:30-da start götürəcək.
HƏBİB / SPORTİNFO.AZ
