.jpg)
"Sabah"ın yarımmüdafiəçisi İvan Lepiniça Premyer Liqanın 6-cı turunda "Turan Tovuz"la bərabərə qaldıqları (2:2) matç haqda Sportinfo.az-a açıqlama verib.
O, qarşılaşmanı şərh edib:
"Çətin matç oldu. Rəqib çox güclü və yığcam oynadı.
"Turan" intizamlı, yaxşı müdafiə oluna bilən komandadır. Heç də ən yaxşı oyunlarımızdan birini keçirmədiyimizi düşünürəm.
Məncə, daha yaxşısını edə bilərik. Xüsusən də ikinci qolu vurduqdan sonra rəqibə meydanda hərəkət üçün çox yer verdik.
Daha aqressiv olmalı və daha çox hücum etməli və topa daha çox sahib olmalı idik".
Xorvatiyalı legioner meydana qələbə üçün çıxsalar da yekun nəticənin ədalətli olduğunu etiraf edib:
"Oyundan öncə hər birimiz qələbə qazanmaq istəyirdik. Meydana bunun üçün çıxmışdıq.
Amma oyunun gedişatına baxdıqda, məncə, heç-heçənin ədalətli nəticə olduğunu deyə bilərik".
XANOĞLAN
