!["O, bilir ki, komandaya yeni oyunçular əlavə etmək üçün çox iş var"](https://www.sportinfo.az/media/2024/07/15/barakbahar21720895647.jpg)
İsrail mətbuatı "Makkabi"nin (Hayfa) Konfrans Liqasının təsnifat mərhələsinin 2-ci turunun “Sabah”a qarşı oyununa hazırlığını şərh edərkən, komandanın baş məşqçisi Barak Baxarın işini xüsusi qeyd ediblər.
Sportinfo.az xəbər verir ki, "One" portalı Hayfa klubunda israilli mütəxəssisdən razılıq bildirdiklərini yazıb:
"Məşqlərə qayıtdıqdan təxminən bir ay sonra "Makkabi" bu mövsüm komandanı çempionluq tacına qaytarmağı hədəfləyən köhnə-yeni baş məşqçi Barak Baharın rəhbərlik etdiyi komandanın işindən razı qaldığını gizlətmir.
O, bilir ki, komandanı daha da yaxşılaşdırmaq və heyətə yeni oyunçular əlavə etmək üçün çox iş var. Mövsümün bu mərhələsində əsas məqsəd "Sabah"la iki matça hazırlaşmaqdır.
Əvvəllər onun rəhbərliyi altında çıxış edən futbolçulardan biri məşqçi dəyişikliyini hiss edib: “Baxar yenilənmiş görünür, əzmkar və uğura can atır.
O, əvvəlkindən daha taktikalıdır və xırda detallara diqqət yetirir".
“Sabah” “Makkabi”yə qarşı ilk oyununu iyulun 25-də Macarıstanda keçirəcək. Cavab matçı isə avqustun 1-də Bakıda baş tutacaq.