"Sabah"ın Konfrans Liqasının 3-cü təsnifat mərhələsindəki rəqibi bəlli olub.
Sportinfo.az xəbər verir ki, bu, İrlandiyadan "Sent-Patriks Atletik"dir.
Dublin təmsilçisi ilk oyunda 3:1 hesabı ilə qalib gəldiyi Lixtenşteynin "Vaduz" klubu ilə bugünkü cavab matçında heç-heçə edib - 2:2.
Bununla da komanda iki oyunun nəticəsinə görə 3-cü mərhələyə adlayıb.
"Sabah" 3-cü təsnifat mərhələsində ilk oyununu avqustun 8-də səfərdə, cavab matçını isə ayın 15-də evdə keçirəcək.
