Masallı yenidən ölkənin futbol səhnəsinə qayıdıb.
Rayonun eyniadlı təmsilçisi Region Liqasının növbəti mövsümünün iştirakçıları sırasında yer alıb
Yerli gənclər tərəfindən formalaşdırılan və bəzi iş adamlarından dəstək alan komanda AFFA tərəfindən qeydiyyata alınıb
2023/24-ci il mövsümünün püşkatma mərasimi oktyabrın əvvəlində keçiriləcək.
Federasiya növbəti yarışın minimum 30 komandanın iştirakıyla təşkilini planlaşdırır. Onlardan «Qarxun», «Lənkəran», «Balakən», «Xanlıq», «Ramana», “Şimal” və «Hacıqabul»un ilk dəfə bu çempionatda qüvvəsini sınayacağı dəqiqləşib.
Həmçinin liqanın ilk 2 mövsümünün çempionu olan «Uğur»un fəaliyyətini bərpa etməsini qeyd etməliyik. Sumqayıt təmsilçisi 3 illik aradan sonra futbol səhnəsinə dönüb.
Turnirin ötənilki iştirakçılarından «İsmayıllı», «Gənclik», «Göyçay», «Şirvanovka», “Mil”, “Göyəzən”, “Neftçala” və «Dirçəliş» da yeni sezonda yarış meydanında yer alacaq.
SPORTİNFO.AZ
