.jpg)
Premyer Liqanı tərk edən «Qəbələ»ni I Liqada kimin çalışdıracağı böyük ölçüdə müəyyənləşib.
«Qırmızı-qaralar»ın Kaxaber Sxadadze ilə bu yöndə apardığı danışıqlar yekunlaşmaq üzrədir.
Tərəflər bir-iki xırda detalı çıxmaq şərtiylə əməkdaşlığı davam etdirməklə bağlı razılaşıblar.
Bu ilin martında əyalət təmsilçisinin sükanı arxasına keçən gürcüstanlı mütəxəssis mövcud vəziyyəti düzgün qiymətləndirib.
O, büdcəsinin xeyli dərəcədə aşağı salınmasını nəzərə alaraq, maliyyə şərtlərində kluba xeyli güzəştə gedib.
Premyer Liqada işlədiyi bu müddətdə ayına 13 min manata yaxın maaş alan Kaxa I Liqada göstərilən məbləğdən bir xeyli aşağı məvacibə qane olacaq.
SPORTİNFO.AZ
