Premyer Liqaya vəsiqə qazanan ilk komanda bəlli olub.
Bu, I Liqanın XX turunda dəqiqləşib.
Yarışın lideri “Qəbələ” səfərdə “Baku Sportinq”lə qarşılaşıb. Kaxaber Tsxadadzenin komandası 5:0 hesablı qələbə qazanıblar.
“Qırmızı-qaralar” bununla da xallarının sayını 52-yə çatdırıb. 4-cü pillədə qərarlaşan “Baku Sportinq”lə fərqi 26-ya çatdıran “Qəbələ” sona 7 tur qalmış ilk “üçlük”də yerini təmin edib.
Premyer Liqaya 3 komanda yüksələcəyindən, “qırmızı-qaralar” bununla da elitaya vəsiqə qazanıb. Digər iki vəsiqənin sahibləri qarşıdakı turlarda bəlli olacaq.
“Qəbələ” 2006-2024-cü illərdə də Premyer Liqada çıxış edib. Komanda iki dəfə gümüş, üç dəfə bürünc medal qazanıb, həmçinin 2 dəfə kubokun qalibi olub.
Əyalət təmsilçisi I Liqanı çempion kimi bitirərsə, futbolçularına böyük məbləğdə mükafat ödəyəcək. Burada iri rəqəmdan söhbət gedir - 10 min manat.
Göstərilən qədər pulu hər futbolçu almayacaq. Qızıl medalların qazanılmasında kimin rolu nə qədərdirsə, o miqdarda da pay alacaq.
Hesablama zamanı statistika əsas götürələcək. Hansı oyunçu mövsüm ərzində neçə dəqiqə forma geyinib, nə qədər qol vurub və.s.
SPORTİNFO.AZ
_1.jpg)
