Bu gün I Liqada XX tura yekun vurulacaq.
Sportinfoiİ.az xəbər verir ki, tur Premyer Liqaya ilk vəsiqənin sahibinin müəyyənləşməsi ilə nəticələnə bilər.
Çempionatın lideri “Qəbələ” sona 7 tur qalmış elitaya qayıdışını rəsmiləşdirməyə yaxındır. Kaxaber Tsxadadzenin yetirmələri turun matçına çıxacaq.
19 turda məğlub olmayan “qırmızı-qaralar” bu dəfə uduzmasa, Premyer Liqaya vəsiqəni təmin edəcək. “Qəbələ”yə 4-cü pillədə qərarlaşan “Baku Sportinq”lə matçda 1 xal da kifayət edəcək.
Məsələ ondadır ki, Premyer Liqada komanda sayı artırıldığı üçün I Liqada ilk 3 yeri tutanlar elitaya vəsiqə qazanır.
Hazırda 49 xala malik “Qəbələ” 4-cü pillədəki “Baku Sportinq”i 23 xal qabaqlayır, beşinci yer üçün isə artıq indidən əlçatmazdır.
Tsxadadzenin komandası bu üstünlüyü qorusa, sona 7 tur qalmış ilk “üçlük”də yerini təmin edərək, 1 ildən sonra Premyer Liqaya qayıdacaq.
_1.jpg)
