“O vaxt biz “İnter”də işləyəndə nə qədər gənc futbolçu milliyə qədər yüksəlmişdi.
Coşqun Diniyev, Azər Salahlı, Abbas Hüseynov... “.
Bu sözləri Sportinfo.az-a açıqlamasında “Qəbələ“nin baş məşqçisi Kaxaber Sxadadze deyib.
Bilindiyi kimi, "Qəbələ"nin futbolçusu Şahin Şahniyarov Azərbaycan millisinə çağrılıb.
Yığmanın baş məşqçisi Fernandu Santuş komandanın təlim-məşq toplanışına I Liqa təmsilçisinin 20 yaşlı yarımmüdafiəçini dəvət edib.
Maraqlıdır, bu işdə Kaxaber Tsxadadzenin rolu nə qədərdir? Gürcü çalışdırıcını dinləyək:
“Dinamo Tbilisi”ni çalışdıranda, gənc yaşlarında şans verdiyimiz altı futbolçu Avropa çempionatına vəsiqə qazanan Gürcüstan yığmasının aparıcı üzvünə çevrildi.
Daha səkkiz nəfər isə Niderland və Belçika kimi rəqibləri məğlub edən U-21 millimizin sıralarına qatılmışdı.
Şadam ki, indi də “Qəbələ“nin cavanları diqqət mərkəzindədir. Komandamızdan daha bir neçə nəfərin tezliklə yığmaya dəvət alacağını gözləyirəm“.
_1.jpg)
