Yeni mövsümə hazırlaşan "Qəbələ" doğma rayonda təlim-məşq toplanışını davam etdirir.
Heyətin formalaşdırılması yolunda da addımlar atılır.
Bölgə klubu daha bir futbolçunu komandaya dəvət edib.
Bu, hücumçu Ruslan Voronsovdur.
28 yaşlı forvard son mövsümü İkinci Liqada çıxış edən "Cəbrayıl"da keçirib.
O, MOİK, "Karvan", "Şəmkir", "Ağsu", "Qaradağ Lökbatan" və "Simurq" klublarında forma geyinib.
Qısa müddət isə Kiprdə legioner həyatı yaşayıb.
Təcrübəli ön xətt oyunçusu birbaşa müqavilə üçün "qırmızı qaralar"a dəvət edilməyib.
Ruslan karyerasını "Qəbələ"də davam etdirmək üçün öncə gürcüstanlı baş məşqçi Kaxaber Tsxadadzenin müsbət rəyini almalıdır.
XANOĞLAN / SPORTİNFO.AZ
