Yaxın keçmişdə 2 dəfə Azərbaycan Kubokunu qazanan, Avroliqanın qrupunda oynayan “Qəbələ" bu il Premyer Liqan tərk etdi.

Futbolun amansız üzü: cəmi 1 il əvvəl kuboku qazanaraq mövsümün qəhrəmanlarından olan Elmar Baxşıyev 8 ay sonra “Qəbələ”ni azarkeşlərin “çıx get” tələbi ilə tərk etdi.

Əlıbəttə, baş məşqçi kimi Baxşıyevin uğursuzuqda məsuliyyəti böyükdür. Amma tək o deyil

. Transferlərdə yol verilən səhvlər, keyfiyyətsiz legionerlər “Qəbələ”ni uğursuzluğa sürüklədi.

Kuboku qazanan heyətdən 3-4 oyunçunun maaşını artırıb saxlamaq, akademiyanın yetirmələrini də onlara qoşub, heyət formalaşdırmaq daha uyğun olardl, nəinki Gilad Abramov. Osama Xalayla, Lukas Afriko, Ferras Abu Akal. Əyub Allaş kimilərə güvənmək.

Elmar Baxşıyevin səhvi ondadır ki. baş məşqçi olaraq bu futboçuarı komndaya o götürüb. Götürübsə də, günahkardır. Rəhbərik məşqçini buna məcbur edibsə də, günakardır.

Səhvi sonda ona istefası bahasına başa gəldi. Buna qədər isə baş menecer Nail Kərimov istefa vermişdi.

“Qəbələ” xilasedici kimi keçmiş rəhbərlərindən Səbuhi Səfiyarlını yanvarda idman direktoru postuna təyin etdi. O da yaxşı tanıdığı gürcü məşqçi Kaxaber Sxadadzeni baş məşqçi vəzifəsinə gətirdi.

Amma “Qəbələ”nin xilası mümkün olmadı. Sxadadze bir necə dəfə media qarşısında acıqca futbolçuların keyfiyyətindən narazılığını bildirdi.

Mövsümün sonunda “Qəbələ” əhəmiyyət daşımayan oyunlarda 3 qələbə qazansa da, qatar artıq getmişdi. Sxadadze-Səfiyarlı tandemi isə getmək fikrində deyil.

Klub gürcü məşqçiylə 3 illik müqavilə bağlayaraq, ona yeni mövsüm üçün Premyer Liqaya qayıtmağa olan inamını ortaya qoydu.

Sxadadze və Səfiyarlı yeni mövsümün planlarını artıq indidən çıxır, 1 ilə Premyer Liqaya qayıtmağı hədəfləyir. “Qəbələ” azarkeşi də onlardan məhz bunu gözləyir.

İlkin Fikrətoğlu

VİDEONU BU LINKƏ DAXİL OLARAQ İZLƏYİN: