![İspanlar gürcülərin sensasiya etməsinə imkan vermədi](https://www.sportinfo.az/media/2024/07/01/bc5e90ae-f8fe-3208-885d-531f17723bf8_850.jpg)
Almaniyada keçirilən Avropa çempionatının 1/8 final mərhələsi çərçivəsində keçirilən İspaniya - Gürcüstan qarşılaşması başa çatıb.
Sportinfo.az xəbər verir ki, İspaniya rəqibini 4:1 hesabı ilə məğlub edib.
Qarşılaşmanın 18-ci dəqiqəsində Robin Le Normand avtoqol müəllifi olub. İspaniya millisi 39-cu dəqiqədə Rodrinin qolu ilə hesabı bərabərləşdirib.
Ardınca Fabian Ruis (51) və Niko Uilyams (75) hesab arasındakı fərqi artırıb. Oyunda son nöqtəni Dani Olmo qoyub.
O, 83-cü dəqiqədə komandasının 4-cü qolunu rəqib qapısından keçirib.
İspaniya millisi 1/4 finalda Almaniya ilə qarşılaşacaq. Görüş iyulun 5-də Ştutqart şəhərindəki "MHP Arena"da baş tutacaq.