.jpg)
“Qəbələ”nin baş məşqçisi Kaxaber Tsxadadze komandasının “Sabah” üzərində qazandığı parlaq qələbədən dərhal sonra ölkəmizi tərk edib.
Gürcüstanlı çalışdırıcı oyun başa çatan kimi Qəbələdən birbaşa Tiflisə yola düşüb.
Buna səbəb ən yaxın dostlarından birinin dünyasını dəyişməsidir. Yaxınlarından acı xəbəri eşidən Tsxadadze bu gün dəfn mərasimində iştirak edib sabah Azərbaycana qayıdacaq.
“Qəbələ” növbəti görüşünü doğma meydanda “Araz-Naxçıvan”a qarşı keçirəcək.
Mayın 19-da keçiriləcək qarşılaşma saat 16:00-da başlayacaq.
HƏBİB / SPORTINFO.AZ
