"Qurban Qurbanovun özü də bu penaltini doğru saymır".
Bu sözlər futbol eksperti Emin Abbasova məxsusdur.
Azərbaycan Premyer Liqasının 11-ci turunda keçirilən “Qarabağ” – “Şamaxı” matçında (3:0) hakimlərin qalmaqallı qərarları müzakirə mövzusu olub.
48-ci dəqiqədə baş hakim Cavid Cəlilov qonaqların qapısına penalti təyin edib.
O, şamaxılıların müdafiəçisi Adil Nağıyevin Aleksey Kaşuka qarşı kobud oynadığını bildirərək, 11 metrlik nöqtəni göstərib. Lakin epizodun təkrarında referinin yanlış qərar verdiyi görünür.
Cavid Cəlilov zədələnib meydanı tərk etdikdən sonra onu Nicat İsmayıllı əvəzləyib. N.İsmayıllı da 87-ci dəqiqədə qalmaqallı qərarı ilə gündəmə gəlib.
Belə ki, “Qarabağ”ın yarımmüdafiəçisi Aleksey İsayev rəqib hücumçu Belajdi Pusiyə qarşı kobud oynadıqdan sonra hakim ev sahiblərinin oyunçusuna sarı vərəqə göstərir.
Bu qərar da müzakirə mövzusuna çevrilib. Həmin epizodda qırmızı vərəqənin verilməməsi gündəmə çevrilib.
E.Abbasov ATV kanalında yayımlanan «Futbolumuz» verilşində «fit sahiblərinin idarəçiliyini kəskin tənqid edib, «Qarabağ»ın baş məşqçisi Qurban Qurbanovun sözlərini gətirib.
Tanınmış teleşərhçi Ağdam təmsilçisinin hakimlərin köməyinə ehtiyacının olmadığını bildirib.
SPORTİNFO.AZ
VİDEONU BU LINKƏ DAXİL OLARAQ İZLƏYİN
.jpg)
