“Meydana fərqli heyətlə çıxmışdıq. Bu da istər-istəməz oyunumuza təsir edirdi”.
Sportinfo.az xəbər verir ki, bu sözləri “Qarabağ”ın qapıçısı Fabian Buntiç Premyer Liqanın 32-ci turu çərçivəsində “Sabah”a qarşı keçirilən oyun (1:1) haqda danışarkən deyib.
Xorvatiyalı kiper fasilədən sonra rəqibin təzyiqi artırdığını vurğulayıb:
“Birinci hissəni yaxşı keçirdik. “Sabah” təhlükəli rəqibdir.
Onlar da qalib gəlmək istəyirdilər. Buna görə ikinci hissədə təzyiqi daha da artırdılar.
Biz daha çox əks-hücumlara bel bağlayırdıq. Qol vurmaq üçün şanslarımız oldu. Lakin dəyərləndirə bilmədik”.
