Azərbaycan Premyer Liqasının 31-ci turu çərçivəsində "Neftçi" ilə qaşılaşmada (3:0) penaltidən fərqlənən Yassin Benzia iki aydan çox çəkən fasilədən sonra qol vurub.
Sportinfo.az xəbər verir ki, fevralda "Səbail" ilə ardıcıl iki matçda rəqib qapısına yol tapan əlcəzairli yarımmüdafiəçi daha sonra 9 oyunluq quru seriyaya imza atıb.
30 yaşlı futbolçu hazırkı mövsüm çempionatda cəmi 6 qol vurub və məhsuldarlığa görə komandada Leandro Andrade (14 qol) və Nəriman Axundzadədən (9) geri qalır.
Ötən mövsüm Azərbaycan Premyer Liqasında 12 dəfə fərqlənən Benzia "Qarabağ"da məhsuldarlıq baxımından Juninyodan (20) sonra ikinci olub.
.jpg)
