Bu həftə Premyer Liqada Azərbaycan derbisi keçiriləcək.
Sportinfo.az xəbər verir ki, 31-ci turda lider “Qarabağ” Tofiq Bəhramov adına Respublika stadionunda əzəli rəqibi “Neftçi”ni qəbul edəcək.
Matç aprelin 19-u, saat 20:00-da başlanacaq.
Bu görüşə maraq az deyil. Artıq 5 min bilet satılıb.
Gözlənilir ki, oyun saatına qədər bu say daha da artacaq.
Rəsmi məlumata əsasən, bu komandalar arasında ən son 3-cü dövrədə “Neftçi Arena”da keçirilən matçı 9355 nəfər izləyib.
30 turdan sonra “Qarabağ” 73 xalla 1-ci, “Neftçi” 35 xalla 6-cı yerdədir
