Azərbaycan Premyer Liqasının səviyyəsi hər ötən il artmaqdadır.
Avrokuboklara dörd vəsiqə uğrunda altı komandanın mübarizə aparması, elitada qalmaq uğrunda “Kəpəz”lə “Səbail” arasında gedən mübarizə çempionata rəng qatır.
Növbəti mövsümdə elitada iştirakçı sayının 10-dan 12-yə yüksəlməsi ümumi ab-havanı bir az da gərginləşdirəcək.
“Qarabağ”ın əlcəzairli yarımmüdafiəçisi Yassin Benzia Sportinfo.az verdiyi açıqlamada hazırda top qovduğu liqa barədə maraqlı fikirlər səsləndirib:
“Təbii ki, Premyer Liqanın səviyyəsi “böyük beşlik”dən geri qalır. Ancaq ümumi götürsək, bəli, səviyyə və fərq get-gedə artır.
Bu, dünyanın hər yerində belədir. Komandalar daha hazırlıqlıdır, peşəkarlaşma yolunda böyük işlər görülür.
Şəxsi fikrim belədir ki, Azərbaycan çempionatında komandaların sayı artmalıdır. Unutmayaq ki, kəmiyyət keyfiyyət gətirir”.
Vaxtilə “Lion”, “Lill”, “Fənərbağça”, “Olimpiakos” kimi komandaların formasını geyinmiş 30 yaşlı yarımmüdafiəçi 2023-cü ilin yanvarından “Qarabağ”ın şərəfini qoruyur.
HƏBİB
.jpg)
_2.jpg)
.jpg)