“Qarabağ”ın bölgələrə səfəri əsl bayram ab-havası yaradır.
Ölkəmizi Avropada layiqincə təmsil etməklə yerli futbolsevərlərin sevgisini qazanan “köhlən atlar” bu dəfə Tovuza yollanmışdı.
Oyunun bayram gününə, üstəlik axşam saatlarına təsadüf etməsi fanatların əhvalını bir xeyli yaxşılaşdırmışdı. Elə buna görəydi ki, tribunalarda boş yer tapmaq müşkülə çevrilmişdi.
Meydan sahibi azarkeşlər “Turan Tovuz”u dəstəklədilər, komandalarının 1:4 hesablı məğlubiyyətini həzm etmək məcburiyyətində qaldılar və yekunda “Qarabağ”ın futbolçularını yaxından görmək imkanı yaxaladılar.
Oyun başa çatandan sonra qonaq komandanın avtobusunu “mühasirəyə alan” bir qrup tərəfdar Toral Bayramov, Kadi Borges, Abdullah Zubir kimi futbolçularla şəkil çəkdirmək, xatirə hədiyyəsi almaq istəyirdi.
Polislərin müdaxiləsinə baxmayaraq, fərasəti olanlar hədəfi dəqiq nişan almağı bacardı. Abrına qısılanlar isə “uzaqlaşın” əmrinə tabe olub stadionu tərk etdi.
Azərbaycanda bu cür mənzərəyə öyrəşmədiyimiz üçün adama elə gəlirdi ki, Tovuza Avropanın hansısa top komandası gəlib. O dərəcədə maraqlı görünürdü.
HƏBİB / SPORTİNFO.AZ
VİDEONU BU LINKƏ DAXİL OLARAQ İZLƏYİN
.jpg)
_2.jpg)
.jpg)