“Qarabağ”da “çərçivə” problemi illərdir həllini tapmır.
İbrahim Şehiçin gedişindən sonra komandaya 10-a yaxın qapıçı cəlb olunsa da, etibarlılıq əvvəlkitək deyil.
“Turan Tovuz”la qarşılaşmada əsas heyətdə yer alan Mateuş Koxalski ilk hissədə legioner adını doğrultmaqda çətinlik çəkirdi.
Bunun məntiqi nəticəsi kimi polşalı qapıçı Aleks Souzanın başla fərqləndiyi epizodda çıxışda kobud səhvlə yadda qaldı.
Sportinfo.az-a açıqlama verən polşalı Koxalski yol verdiyi səhvi az oynaması ilə əlaqələndirib:
“Səhvi hər kəs edə bilər. Mən də, başqası da. Səhvsiz futbol yoxdur. Önəmli olan komandamızın qalib gəlməsidir.
Səhv etməyimin səbəbi ona görədir ki, hər dəfə oynamıram. İstər-istəməz oyun təcrübəsi azalıq.
Şans veriləndə əlimdən gələni edirəm. Lakin bəzi anlarda nöqsanlar qaçılmaz olur”.
Maraq üçün bildirək ki, hazırda “köhlən atlar”ın heyətində üç yer alır – Mateuş Koxalski, Fabyan Buntiç, Şahruddin Məhəmmədəliyev.
HƏBİB
.jpg)
_2.jpg)
.jpg)