“Turan Tovuz”la “Qarabağ” arasında baş tutan oyun kütləvi dava-dalaşa səbəb ola bilərdi.
Yaxşı ki, hər iki komandanın futbolçuları emosiyaları qızışdırmaq əvəzinə sakitləşdirmək yolunu tutdu.
Hadisənin diqqət mərkəzində Kadi Borges idi.
Braziliyalı yarımmüdafiıəçi penaltini dəqiq yerinə yetirəndən sonra üzünü rəqib qapıçı İvan Konovalova çevirib ona acıq verəcək formada nələrsə dedi.
Rusiyalı kiper ayağa qalxıb Kadinin üstünə getsə də, ətrafdakılar aranı sakitləşdirdi.
Bu, “Araz-Naxçıvan” – “Qarabağ” qarşılaşmasında yaşanan olayın başlanğıcının eynisi idi. Həmin matçda Yassin Benzia Felipe Santosa qarşı kobudluq etmiş, ardınca yerdə qalan rəqibin ünvanına xoşagəlməz ifadələr işlətmişdi ki, bunu görən Karlos Jatoba komanda yoldaşının müdafiəsinə qalxmış, ardınca kütləvi dava baş vermişdi.
İntizam tərəfdarı olan Qurban Qurbanov son dövrlər “Qarabağ”da müşahidə olunan intizamsızlığın çarəsini tapmalıdır. Elvin Cəfərquliyev lazımsız “qırmızılar” alır, Kadi ilə Yassin rəqiblərini aşağılayır, Nəriman Axundzadə vurduğu qoldan sonra azarkeşlərə “sus” mesajını verir.
Çempionluğa rahat şəkildə çatan kollektivdə bu cür hallar yaşanırsa, rəqabət bir az artsa, gör, nələr olar.
HƏBİB / SPORTİNFO.AZ
VİDEONU BU LINKƏ DAXİL OLARAQ İZLƏYİN
.jpg)
_2.jpg)
.jpg)
