“Qarabağ”da oynamış tanınmış: “Bu, mümkün deyil, realist olmaq lazımdır”

1 Aprel 16:20 Qarabağ 782
“Qarabağ”da oynamış tanınmış: “Bu, mümkün deyil, realist olmaq lazımdır”

“Qarabağ”ın sabiq qapıçısı Andrey Lunyov Rusiya klublarının və milli komandalarının beynəlxalq arenaya qayıtmaq perspektivlərini dəyərləndirib.

Sportinfo.az xəbər ki, o, bu barədə “RB Sport”a danışıb.

Hazırda Moskva “Dinamo”sunun şərəfini qoruyan 33 yaşlı kiperin fikrincə, yaxın vaxtlarda Rusiya təcriddə qalacaq.

O, Rusiyanın 2026-cı il dünya çempionatına wild-card (xüsusi dəvət) ala bilməsinin mümkünlüyünə dair fikirlərlə bağlı deyib:

“Mənim fikrimcə, bu mümkün deyil. Hazırkı siyasi vəziyyəti görürük, realist olmaq lazımdır. Yaxın vaxtlarda bu, gerçək görünmür”.

Lunyova görə, bu, yalnız Ukraynadakı müharinə dayandıqdan sonra baş verəcək:

“Biz nə Amerikada, nə Afrikada yarışırıq. Biz Avropada oynayırıq və Avropa ölkələri Rusiyanın qayıdışına heç bir işarə vermir.

Cəmi iki-üç ölkə bizə nisbətən neytral yanaşır, qalanlarının isə bizə qarşı mövqeyi dəyişməyib”.

Rusiya milli komandası və klubları 2022-ci ilin fevralından beynəlxalq turnirlərdən uzaqlaşdırılıb. Buna səbəb Rusiyanın Ukraynaya hərbi təzavüzü olub.

Digər Xəbərlər
Xəbər Lenti