Elimizin yaxşı məsəli var - adın çıxınca, canın çıxsın.

Sanki bu məsəl "Qarabağ"ın forvardı Nəriman Axundzadənin də boyuna biçilib.

Gənc hücumçu bir neçə dəfə mətbuat nümayəndələrinə qarşı hörmətsizlik etdiyi üçün haqlı tənqidlə üz-üzə qalıb.

Bəlkə də bu səbəbdən futbol ictimaiyyətində də ona qarşı bir aqressiya formalaşıb.

Hər fürsətdə azarkeşlər onu linç etməyə təşəbbüs göstərir.

Məsələn, Tovuzdakı qol sevincindən sonra sosial şəbəkələrdə ünvanına olmazın sözləri yazıldı/yazılır.

Arqument də gətirilir ki, kameraya göstərdiyi "susun" işarəsi milli komandadakı uğursuz çıxışına görə onu tənqid edənlərədir.

Hə, ilk baxışdan məntiqli görünə bilər.

Amma həqiqət tam başqadı. Nəriman ilk dəfə bu jestlə qarşımıza çıxsaydı, iddia səmimi qəbul edə bilərdik.

Axı bu adam yaxın keçmişdə 10-dan çox qolunu belə qeyd edib.

Haqlı tənqid inkişafa aparan yoldur, amma bu cür qaragüruh yanaşma istedadları belə məhv apara bilir. Ona görə də belə məqamlarda diqqətli olmaq mütləqdir.

Biz isə fərqli tarixlərdə, fərqli məkanlarda onun 3 belə qol sevincini sizə təqdim edirik:

Gənclər millimizin 2023-cü ildə Avropa Çempionatının seçmə mərhələsində Şotlandiya məğlub etdiyi (3:2) görüşdə hesabı açan Nərimanın qol sevinci.

2023-cü ilə Azərbaycan Kubokunda Xankəndidə keçirilən tarixi oyunda vurulan yeganə qolu qeyd edərkən

Bu da son olaraq "Turan Tovuz"un qapısından keçirdiyi qola reaksiyası

Məncə, əlavə şərhə ehtiyac yoxdur...

SPORTİNFO.AZ