«Qarabağ» Avropanın müxtəlif ölkələrindən 5 təklif alıb.
Bu barədə Sportinfo.az-a klubun futbol akademiyasının baş koordinatoru Aftandil Hacıyev məlumat verib.
Son illər uşaq futboluna diqqəti bir qədər də artıran Ağdam təmsilçisinə Türkiyə, İsveç, Niderland, Avstriya və Belçikadan dəvət gəlib:
«Bilirsiz ki, «Qarabağ» beynəlxalq turnirlərdə tez-tez iştirak etməyə başlayıb. Ötən il bir neçə belə yarışa yollanmışdıq. İndi də bu istiqamətdə danışıqlar gedir.
Təşkilatçı klubların hamısı Avropada sayılıb-seçilənlərdir. «Qarabağ» tanındığı üçün istəyirlər ki, biz də onların turnirlərində iştirak edək.
Proqram hazırlanır. Həmin proqrama əsasən, aprel, may, iyun və iyul aylarını Avropada keçirə bilərik.
Təklif bütün yaş qruplarını əhatə eləyir».
