"Qarabağ”ın legioneri Yassin Benzia Əlcəzair milli komandasının heyətində növbəti oyuna çıxıb.
Sportinfo.az xəbər verir ki, 31 yaşlı yarımmüdafiəçi DÇ-2026-nın seçmə mərhələsində Botsvanaya qarşı matçın iştirakçısı olub.
Meydana start heyətində çıxan Benzia 81-ci dəqiqədə Ahmed Kendouci ilə əvəzlənib.
Görüş Əlcəzair milli komandasının 3:1 hesablı qələbəsi ilə yekunlaşıb.
Bu qələbə sayəsində xallarının sayını 12-ə çatdıran Benzianın komandası qrupda liderdir. Botsvana yığması isə 6 xalla dördüncü pillədə qərarlaşıb.
Əlcəzair millisi seçmə mərhələdə növbəti görüşünü martın 25-də öz meydanında Mozambikə qarşı keçirəcək.
.jpg)