Bu gün “Qarabağ” Avropa Liqasının Liqa mərhələsinin 8-ci turu çərçivəsində Yunanıstanda “Olimpiakos”un qonağı olacaq.
Növbəti mərhələyə yüksəlmək üçün heç bir şansı qalmayan Ağdam klubunu Pirey səfərində çətin 90 dəqiqə gözləyir.
“Sportinfo TV”nin aparıcı eksperti Elçin Cəfərov tərəflərin oyun planı haqda məlumat verib.
Qeyd edib ki, ev sahibləri Xose Luis Mendilibarın baş məşqçi postuna gəlişi ilə çox önəmli işlər görüb:
“Rəqibin oyun planında ikinci və üçüncü fazadakı futbolçuların sürətli oyunu, mövqe sığortaları diqqət çəkməkdədir.
Xüsusilə irəli zonada yer alan El-Kaabinin sərbəst çıxışı, mütəmadi mərkəzə doğru gələrək, hücumların başlanğıcında fəal iştirakı müdafiə xəttimizə çətinliklər yarada bilər.
Bu zaman cinahlarda yer alan Masuras və Şikinyuya dəhlizlər yaranır. Mərkəzdən Kostulas-Qarsiya-Muzakitis triosunun sürəti ilə xətlərarası məsafəni eyni saxlamaqla, rəqibə çətin anlar yaşada bilirlər.
“Qarabağ” yenə öz oyun planına sadiq qalmalıdır. Marki Yankoviç və Julio Romaonun mərkəzdəki oyunu həlledici olacaq.
Düşünürəm ki, hazır Patrik Andrade bu qarşılaşmada nələrsə edə bilər. Qapını bərk çırpıb avrokuboklarla vidalaşmaq ən azından çox möhtəşəm olardı”.
VİDEONU BU LINKƏ DAXİL OLARAQ İZLƏYİN
.jpg)
