Olavio Juninyonu 5 milyon avro qarşılığında «Flamenqo»ya satan «Qarabağ»a daha bir rəsmi təklif gəlməsini dünən xəbər vermişdik.
Ağdam klubuna növbəti dəvətnamə «Ferentsvaroş»dan daxil olub.
Macarıstan təmsilçisi Elvin Cəfərquliyevə görə «köhlən atlar»ın qapısını döyüb.
2023-cü ilin yayında Kvabena Ovusunu «Qarabağ»dan satın almış «Ferentsvaroş» bu dəfə millimizin müdafiəçisinin xidmətində maraqlı olduğunu elan edib.
Qarşı tərəf mümkün transferlə bağlı danışıqlara başlamaq istədiklərini açıqlayıb.
Saytımız macarların təklifinin detalları haqda bəzi yeni informasiyalar əldə edib.
Redaksiyamıza məlum olub ki, «Ferentsvaroş» bu keçid qarşılığında «Qarabağ»a 1 milyon avro təzminat ödəməyə hazırdır.
Həmçinin onun sonrakı satışından əldə edəcəkləri məbləğin 20 faizini «köhlən atlar»ın hesabına keçirməyə razıdırlar.
SPORTİNFO.AZ
