“Qarabağ” Avropa Liqasında növbəti oyuna hazırlaşır.
Sözügedən yarışın Liqa mərhələsinin VII turunda FCSB ilə üz-üzə gələcək Azərbaycan çempionu növbəti 3 xalını bayram etmək istəyir.
Rumıniya çempionunun Liqa mərhələsində keçirdiyi 6 oyunun yalnız 1-də məğlub olub, aktivinə 11 xal yazdırdığını göz önünə gətirəndə “Qarabağ”ın işinin asan olmayacağı görünür.
Rəqibin inamlı çıxışına baxmayaraq, “köhlən atlar”ın üzvləri FCSB ilə oyunda inamlı nəticəyə ümid edir.
Hücumçu Musa Qurbanlı Sportinfo.az-a açıqlamasında qələbə istəyini gizlətməyib:
“Maksimum nəticə qazanaraq azarkeşlərimizi sevindirmək üçün səylə çalışırıq.
Əvvəlki oyunlarda normal çıxış etsək də, hər dəfə hansısa səbəbdən qələbə istəyimizə çata bilməmişdik. Ümid edirəm ki, bu dəfə əziyyətimiz öz bəhrəsini verəcək.
Hədəfimiz qələbədir. Buna nail olmaq üçün əlimizdən gələni edəcəyik”.
Liqa mərhələsində 6 turdan sonra cəmi 3 xal toplayan “köhlən atlar” 36 komanda arasında 33-cü sırada qərarlaşıb.
HƏBİB
