“Qarabağ”dan ayrılan Olavio Juninyo artıq “Flamenqo”ya məxsusdur.
28 yaşlı futbolçu ilə bağlı bütün məlumatlar klubun sosial media hesablarında yerləşdirilib.
“Qırmızı-qaralar” qoleadora məxsus videoçarx hazırlayıb ki, burada Juninyonun əsasən “Qarabağ”da vurduğu qollar yer alıb.
Səbəbkarın özü isə “Qarabağ”dan ayrılandan sonra verdiyi ilk açıqlamada qısa danışıb:
“Millətim, aldığım motivasiya mesajlarına görə çox sağ olun. Biləsiniz, burada olmaqdan çox xoşbəxtəm.
Ümid edirəm ki, bütün xalqı ən yaxşı şəkildə təmsil edəcəm.
Çox sağ olun!”
İlyarım ərzində “Qarabağ”ın heyətində meydana çıxdığı 81 oyunda 41 qola və 14 məshuldar ötürməyə imzasını yazdıran braziliyalı hücumçu “Flamenqo” ilə 4 illik müqavilə bağlayıb.
O, yeni komandasında 23 nömrəli formanı geyinəcək.
HƏBİB / SPORTİNFO.AZ
VİDEONU BU LINKƏ DAXİL OLARAQ İZLƏYİN
