“Şamaxı” ilə oyunda çətin qələbə qazanan “Qarabağ” (3:2) növbəti oyuna hazırlaşır.
Avropa Liqasının Liqa mərhələsinin VII turundakı rəqib FCSB-dir.
Tofiq Bəhramov adına Respublika stadionunda gerçəkləşəcək qarşılaşmada qonaqlar dəstəksiz qalmayacaq.
Belə ki, oyun günü qonaqlar üçün ayrılmış tribunada azı 50 rumın fanat yer alacaq. Matç günü say bir az da arta bilər. Hər halda, FCSB rəsmiləri “Qarabağ”a müraciəti bu formada ediblər.
Yanvarın 23-də baş tutacaq oyun saat 21:45-də start götürəcək.
HƏBİB / SPORTİNFO.AZ
