“Qarabağ”ın Avropa Liqasının Liqa mərhələsindəli rəqibi FCSB-nin Bakı planı məlum olub.
Rumıniya nəhəngi ölkəmizə oyundan iki gün əvvəl təşrif buyuracaq.
“Qırmızı-göylər”i Azərbaycana gətirəcək çarter reysli təyyarə yanvarın 21-i axşam saatlarında paytaxtımıza eniş edəcək. Komanda üzvləri həmin gün dincəlib, ertəsi oyunun keçiriləcəyi arenada son məşqə çıxacaq.
FCSB rəhbərliyi nümayəndə heyətinin məskunlaşmaq üçün şəhərimizin dəbdəbəli məkanlarından sayılan “Absheron Marriott” otelini seçib.
Maraqlı məqam qonaqların Rumıniyaya dönüş planı ilə bağlıdır. Buxaresti təmsil edən komanda vətənə qarşılaşmadan dərhal sonra yox, bir gün sonra günorta saatlarında qayıdacaq.
Yanvarın 23-də Tofiq Bəhramov adına Respublika stadionunda keçiriləcək duelin start fiti saat 21:45-də çalınacaq.
HƏBİB / SPORTİNFO.AZ
