"Qarabağ"ın legioneri Yassin Benziaya ağır itki üz verib.
Sportinfo.az klubun mətbuat xidmətinə istinadən xəbər verir ki, əlcəzairli yarımmüdafiəçinin anası vəfat edib.
Klub yaydığı açıqlamada Benzianın anasının vəfatından kədərləndiyini bildirib, mərhuma Allahdan rəhmət diləyib, ailəsinə və yaxınlarına dərin hüznlə başsağlığı verib.
Benzianın anası bir müddətdir ki, xəstəlikdən əziyyət çəkirdi. Futbolçu bu səbəbdən komandanın düşərgəsinə qoşula bilməmişdi.
