“Gələndə dedilər ki, oyunlar çox ağır keçir”.
Sportinfo.az xəbər verir ki, bunu “Qarabağ”ın braziliyalı legioneri Julio Romao “Globo” nəşrinə müsahibəsində deyib.
26 yaşlı yarımmüdafiəçi Azərbaycan çempionatını, həmçinin Avropa Liqasını təhlil edib:
“Qarabağ” uzun illərdir çempiondur. Məşqçi xeyli müddətdir komandadadır, klubun fəlsəfəsi dəyişmir.
Az oyunçu gedir və bu da komandanın performansını qoruyub saxlamasına səbəb olur. Amma Azərbaycan çempionatı çətindir.
Çünki rəqiblər bizə qarşı fərqli hazırlaşırlar. Çox mürəkkəb oyunlar var, rəqiblər artıq bizi tanıyırlar.
Avropa Liqasında isə komandalar ya eyni, ya da bir az yüksək səviyyədədir”.
